Pósthússtræti 15
Um 1800 reisti Bjarni Lundberg járnsmiður torfbæ við suðausturhorn núverandi Austurvallar sem kallaður var Smiðsbær eða Smiðshús. Sá bær varð ekki langlífur því í kringum 1820 reisti Símon Hansen kaupmaður einlyft timburhús á lóðinni og fékk húsið nafnið Hansenshús. Síðar eignaðist Teitur Finnbogason smiður og dýralæknir húsið og var það þá oft kallað Teitshús. Af þjóðkunnum einstaklingum sem bjuggu í húsinu má nefna Jón Árnason þjóðsagnasafnara, Sigurð Guðmundsson málara og Sigfús Eymundsson ljósmyndara og bóksala.
*
Húsið var fyrsta húsið sem flutt var í Árbæjarsafn árið 1960.
