Víðimýri í Skagafirði

Víðimýri er fornt höfuðból og kirkjustaður í Skagafirði, rétt ofan við Varmahlíð. Á 12. og 13. öld bjuggu hér margir af helstu höfðingjum Ásbirninga  s.s. Kolbeinn Tumason og Brandur Kolbeinsson og kom Víðimýri við sögu í mörgum af helstu atburðum Sturlungu.

Virki Snorra

Samkvæmt Sturlungu lét Snorri Sturluson reisa virki á Víðimýri og er talið að menjar þess hafi verið sjáanlegar fram á 20. öldina.

Kirkjan

Á Víðimýri hefur verið kirkja frá fornu fari, líklega fyrst aðeins bændakirkja en síðar sóknarkirkja. Ekki er vitað hver lét reisa fyrstu kirkjuna en margir þekktir klerkar hafa þjónað í Víðimýrarkirkju, þekktastur þeirra án efa Guðmundur góði Arason (1161-1237), síðar biskup á Hólum. Núverandi kirkja á Víðimýri er frá 1834 og þykir hin mesta gersemi en hún er úr torfi og timbri. Jón Samsonarson (1794-1859), alþingismaður frá Stóru-Gröf, annaðist smíði kirkjunnar. Torfið er fengið úr landi Víðimýrar en timbrið er einkum rekaviður utan af skaga. Jón Samsonarson, alþingismaður frá Stóru-Gröf, annaðist smíði kirkunnar. Kirkjan hefur verið kölluð einn „stílhreinasti og fegursti minjagripur íslenzkrar gamallar byggingarlistar.“ Altaristafla kirkjunnar er frá árinu 1616 en klukkur kirkjunnar eru báðar frá árinu 1630.